Во Србија на 17 декември се одржаа избори на кои Социјалистичката партија на Србија постигна еден од најлошите резултати во последните 15 години. На изборната ноќ Ивица Дачиќ спомна дека СПС можеби треба да добие нов лидер, потсетува српска Нова.

Точно два месеци по изборите, додека се чека формирање на влада и евентуално повторување на белградските избори, се појавуваат нови тврдења за пропаѓање на СПС.

Јанко Веселиновиќ од Движењето за пресврт изјави дека околу 200 лица кои наводно купувале гласови за СПС биле уапсени и ставени во притвор, вклучително и домашен притвор. Сето ова се случи неколку дена пред изборите на 17 декември.

„Тоа е јавна тајна меѓу луѓето од СПС и имаа неколку состаноци за тоа, бидејќи тоа апсење беше синхронизирано од полицијата и некаква параполиција на СНС, бидејќи во тимот секогаш имаше луѓе во цивилна облека кои практично им ги преземаа списоците и парите“, изјави Веселиновиќ.

Тој додаде дека не е поднесена кривична пријава и дека списоците се земени од редовите на СНС.