Американската актерка, пејачка и манекенка Наја Ривера (33) исчезна во средата на 8 јули, на езерото Пир, а нејзиното безживотно тело е извадено од езерото во понеделникот на 13 јули, потврди локалната полиција.

По обудкцијата, официјалните лица во Калифорнија ја соопштија причината и начинот на смртта.

– Причината е давање, а начинот е несреќен случај – рекол локалниот доктор.

Во изјавата објавена на Твитер, докторот рекол дека телото на Ривера било снимено со рендген и дека е извршена целосна обдукција.

The attached document was just released by the Ventura County Medical Examiner’s Office regarding Naya Rivera, whose body was found yesterday in Lake Piru. pic.twitter.com/6APEgrBPaQ

— Ventura Co. Sheriff (@VENTURASHERIFF) July 14, 2020

– Не се утврдени трауматски повреди, ниту било какви болести за време на обдукцијата – рекол докторот.

– Нема наоди дека дрога или алкохол се причина за смртта на оваа жена, но резултатите од крвта ќе бидат доставени на понатамошни испитувања – се наведува во соопштението.

Да потсетиме, од полицијата открија дека Наја собрала доволно сила да го спаси синчето од водата и да го крене на бродот, но немала доволно сила да се спаси себе и дека ова е трагичен крај на еден млад живот.