Ако сте непушач или едноставно не сакате непријатен мирис од цигари на вашата облека, ова е вистинското решение за вас.

Долгото седење во затворена просторија меѓу пушачи кои палат една по друга цигара доведува до непријатен мирис на гардеробата.

Дури и пушачите на кои димот од цигарите им е секојдневие не сакаат облеката да им мириса така лошо.

Послужете се со овој трик и ослободете се од непријатниот мирис на облеката.

Направете раствор од сода бикарбона со вода. Во чаша од 200 мл ставете две големи супени лажици сода бикарбона. Добро измешајте и префрлете ја течноста во шише со прскалка.

Алиштата од вечер напрскајте ги со растворот, а следниот ден наутро вашата облека ќе биде ослободена од непријатниот мирис на цигарите.

Истото можете да го направите и за освежување на домот од мирисот на цигари.

Навечер, пред спиење посипете сода бикарбона по тепихот, на гарнитурата за седење и на рабовите од просторијата каде се пушело. Наутро исмукајте со правосмукалка.