Српската полиција извести дека вчера околу 19 часот во Земун со нож е ранета 26-годишната Т.П. која по ранувањето со возило на Итна помош била пренесена во Ургентниот центар во Белград.

Напаѓачот по инцидентот избегал од местото на настанот, но по интервенцијата на полиција во близина на поштата лоцирана на улицата Угриновачка биле пронајден ножот, а набрзо бил уапсен и напаѓачот. Станува збор за Б.Ш. (43), кој има кривично досие за кражба, разбојништво и поседување дрога.

Ранетата девојка по укажаната лекарска помош во болницата била пуштена на домашно лекување. Засега не е познат мотивот за нападот.