Далноводот што ја снабдува нуклеарната централа Запорожје во Украина, кој беше во прекин поради гранатирањето, повторно е приклучен, изјави денеска генералниот директор на Меѓународната агенција за атомска енергија (МААЕ), Рафаел Гроси.

Гранатирањето ја принуди електраната да се префрли на дизел генератори.

– Нашиот тим во Запорожје потврди дека гасоводот што беше прекинат вчера е обновен и дека нуклеарната централа е повторно поврзана на мрежата – привремено олеснување во неодржлива ситуација – рече Гроси на Твитер, повторувајќи го својот повик за воспоставување заштитна зона околу нуклеарна централа, објави Ројтерс.

И украинската државна нуклеарна компанија Енргоатом на Телеграм објави дека украинските инженери денеска го обновиле надворешното напојување на нуклеарната централа во Запорожје.

„По речиси два дена работа на пумпите за итно ладење на активните зони на реакторот со напојување од дизел генератори, оперативниот персонал се префрли на нормален режим на напојување за потребите на централата од енергетскиот систем на Украина. изјави Енергоатом.