Ракометната федерација на Словенија му врачи отказ на селекторот Љубомир Врањеш по елиминацијата на репрезентацијата од Европското првенство.

Словенија не успеа да обезбеди пласман во главната фаза откако во директниот дуел за второто место загуби со 33:32 од Црна Гора иако ја имаше фаворитската улога.

Поради тоа, на денешната итна седница на Управниот одбор на Федерацијата е донесена одлука за смена на Врањеш.

Врањеш експресно најде ангажман и му се враќа на клупскиот ракомет бидејќи и до крајот на сезоната ќе седи на клупата на Рајн Некар Левен.