Денес, претседателката на Словачка, Зузана Чапутова, го назначи Едуард Хегер за нов премиер, со што стави крај на едномесечната политичка криза во таа земја.

Хегер ја презема премиерската функција од претседателот на неговата партија Игор Матовиќ, кој пак ја зазема поранешната позиција на Хегер во Министерството за финансии, пренесува Ројтерс.

Според Ројтерс, целта на оваа замена е да се смират коалициските спорови што избија по изненадувачката одлука на Матовиќ да ги купи руските вакцини „Спутник“ против вирусот корона во март.