Синот на Леброн Џејмс познат како Брони се пријави на овогодинешниот НБА драфт, иако го пропушти првиот дел од сезоната поради здравствени проблеми. Во остатокот од сезоната воопшто не импресионираше и ја заврши со просек помал од поени.

Уште пред две години Леброн истакна дека сонува кариерата да ја заврши во ист тим со својот најстар син и тоа беше мотивација за многу НБА клубови да ја разгледаат можноста за доведување на Брони за да го привлечат и Леброн кој следната сезона ќе наполни 40 години.

НБА драфтот не мора ништо да значи бидејќи од 29. мај ќе има прилика да се повлече и да се врати на универзитетот или пак кариерата да ја продолжи во странство. Брони е 192 сантиметри висок бек и има просек од 19 минути по натпревар, 4.8 поени, 2.8 скокови и 2.1 асистенции, со слаб процент на шут од игра од 36.6%.

Засега впечатокот е дека 19-годишниот Брони не е ни приближно спремен во НБА и во најдобар случај би можел да се надева на избор кон крајот на втората рунда.