На сите ни се случило да потрошиме минути и минути, бадијала пребарувајќи го идеалниот филм или серија, за веќе во моментот кога ќе ги пронајдеме да забележиме дека… пуканките „отишле“.

Епа, овој викенд нека биде поинаку. Ви подготвивме листа на филмови и серии кои сигурно ќе ви го направат викендот повозбудлив.

Oxygen – Филм на „Netflix“

Една жена се буди во криогена комора без сеќавање за тоа како стигнала таму. Времето истекува и таа останува без кислород. За да излезе од тој кожмар, таа мора да си ја поврати својата меморија.

Жанр: Фантазија / IMDB оценка: 6.5 / Rotten tomatoes рејтинг: 89%

Friends: The Reunion – Ситком на „HBO Max“

За првпат по 17 години, „Пријателите“ Џенифер Анистон, Кортни Кокс, Лиза Кудроу, Мет Лебланк, Метју Пери и Дејвид Швимер се собираат заедно на оригиналниот сет. Собирот е модериран од Џејмс Корден, а покрај главната актерска екипа, како специјални гости се појавуваат и голем број славни личности.

Жанр: ситком / IMDB оценка: 8.9 / Rotten tomatoes рејтинг: 67%

Vincenzo – Серија на „Netflix“

За време на посетата на неговата родна Јожна Кореја, адвокатот на италијанската мафија, Винчензо се соочува со ненадминливиот конгломерат Џанг Хан-сок. На еднакво брутален начин, Винчензо ќе го натера основачот на фирмата „Вусанг“ да го почувствува вкусот на правдата и да плати висока цена за своите нечовечни дела.

Жанр: криминалистичка драма / црна комедија / IMDB оценка: 8.6 / Rotten tomatoes рејтинг: 97%

Q: Into the Storm – Документарна Серија на „HBO“

Американска документарна минисерија во режија и продукција на Кален Хобак, ја истражува теоријата на заговор QAnon и луѓето вклучени во неа. Оваа серија ја прикажува еволуцијата на анонимниот лик познат како “К“ и открива како “К“ ги користи теориите на заговор и информациските војни на интернет, ја киднапира политиката и манипулира со мислењето на луѓето.

Жанр: документарна серија / IMDB оценка: 7.6 / Rotten tomatoes рејтинг: 59%