Шест екипи никогаш не испаднале од Премиер лигата
Секако, се смета за периодот од 1992 година кога се формираше Премиер лигата. Денеска официјално како што веќе е најавено, започнува 29 сезона во која шампионската титула ја брани Ливерпул.
Првото коло нема да биде комоплетно со оглед на тоа натпреварите на Манчестер јунајтед и Манчестер сити се одложени, бидејќи градските ривали беа дел од завршните турнири во Лигата на шампионите и Лига Европа, па така добија неколку дена повеќе за одмор.
Новата сезона ни донесува и неколку интересни факти поврзани со натпреварувањето. Само шест екипи, сметајќи на сите 28 сезони, никогаш не испаднале од Премиер лигата, тие се: Манчестер јунајтед, Ливерпул, Арсенал, Челси, Тотенхем и Евертон.
? "One is never enough. It's about creating a ??????"
? Tell 'em, @JohnsonThompson pic.twitter.com/RQGHCzt0DP
— Premier League (@premierleague) September 12, 2020
Само Евертон никогаш не бил во Топ 3 во споменатите 28 сезони, додека Јунајтед дури 23 пати завршувал помеѓу најдобрите три тимови. „Црвените ѓаволи“ воедно имаат и најмногу титули, 13.
Оттука и следниот податок дека клубот од „Олд Трафорд“ има освоено најмногу бодови во сите 28 премиерлигашки сезони, вкупно 2234. Следуваат Арсенал (2011), па Челси (1997), Ливерпул (1948), а на петтото место е Тотенхем со 1654 бодови.
#?? ?? ???? ? pic.twitter.com/IJjI2WHhNW
— Premier League (@premierleague) September 12, 2020
Во Топ 10 се и Евертон (1476), Манчестер сити (1450), Њукасл е на осмата позиција (1316), Астон Вила има 1258, а „десетката“ ја комплетира Вест Хем (1137).
Ќе додадеме уште дека Норич сити е клубот со најмногу испаѓања од Премиер лигата, тимот кој што минатата сезона беше последен, дури пет пати се враќаше во Чемпионшип.