Скоро пет години Столе Димитриевски ги брани боите на шпанскиот фудбалски клуб Рајо Ваљекано каде важи за еден од омилените играчи кај навивачите на тој тим.

Можно е следното лето нашиот репрезентативен голман да го напушти Рајо Ваљекано, а наводно два клуба од „Ла Лига“ покажуваат интерес за услугите на Македонецот.

Како што пренесува новинарот Фабрицио Романо, 29-годишниот чувар на мрежата е веќе на листата на Севиља и Виљареал за следната сезона како потенцијален слободен агент.

Важечкиот договор на Димитриевски истекува на 30 јуни 2024 година и моментно неговата вредност според „Трансфермаркт“ изнесува четири милиони евра.

Димитриевски веќе од јануари има право да преговара за можна преселба во Севиља или Виљареал, а дали на крајот ќе потпише за некоја од двете екипи или не, останува да се види.

?? Understand Stole Dimitrievski is already in the list at Sevilla and Villarreal for next season as potential free agent. Both clubs appreciated Macedonian goalkeeper.

His current deal at Rayo Vallecano expires in June 2024. pic.twitter.com/cPcaZ4uCzX

— Fabrizio Romano (@FabrizioRomano) November 12, 2023