Администрацијата на претседателот Џозеф Бајден ќе почне процес на промена на американските обвинители кои ги именуваше неговиот претходник Доналд Трамп и чие именување го потврди сенатот, јави агенцијата „Фокс њуз“. 

Според одделни извештаи министерството за правда на САД ќе побара од повеќето обвинители кои ги именуваше поранешниот претседател на САД Трамп да поднесат оставки. Но, обвинителот на сојузната држава Делавер Дејвид Вајс, кој ги истражува бизнис активностите на синот на американскиот претседател Хантер Бајден, нема да биде сменет од функцијата.

Обвинителот од кентаки Џон Дрхам ќе остане на функцијата специјален обвинител, кој го истражува потеклото на истрагата за поврзаноста на Трамп и Русија, но од него веројатно ќе се бара да поднесе оставка од функцијата државен обвинител.

Бајден на седми јануари го именуваше Мерик Гарланд за државен обвинител на САД. Државниот обвинителе надлежен за водење на Министерството за правда и ги координира разузнавачките агенции, вклучувајќи го Федералното биро за истраги (ФБИ“.

Американскиот претседател нагласи дека во декември дека нема да се меша во работата на Министерството за правда, со напомена дека тоа „не е сопственост на претседателот туку на народот.

Денес пак  Сенатот почнува судски процес за отповикување на поранешниот американски претседател Доналд Трамп, постапка што ја отвори Претставничкиот дом пред заминувањето на Трамп од Власта. Тој е единствениот американски претседател кому Долниот дом на Конгресот на двапати му изгласуваше импичмент. Пред него, Претставничкиот дом ги отповика претседателите Ендру Џонсон во 1868 година и Бил Клинтон во 1998 година, но Сенатот потоа ги ослободи од обвинение.

Сенатот денеска започнува со судскиот процес за отповикување на Трамп