Семејството на жената убиена во нападот во Капитол бара отштета од 10 милиони долари
Семејството на Ешли Бабит, жената која е убиена во зградата на Капитол на 6 јануари за време на немирите, планира да ја тужи полицијата во Капитол за прекумерна употреба на сила и фактот дека полицаецот што ја уби не даде никакво предупредување пред да го повлече чкрапалото, и ќе побара отштета од 10 милиони долари.
Бабит е единствената личност која беше застрелана на 6 јануари, кога илјадници приврзаници на поранешниот претседател Доналд Трамп упаднаа во зградата на Конгресот во знак на протест против изборните резултати.
Нејзиното семејство изјави дека видеото покажува дека полицаецот кој ја убил Ешли не дал никакво предупредување и дека полицијата за Капитол е одговорна за нејзината смрт, објави „Дејли Меил“.
Семејството за „Вашингтон егзаминер“ изјави дека ќе ја тужи полицијата за прекумерна употреба на сила и ќе побара десет милиони долари надомест.