Селена Гомез гостуваше во ток-шоуто на Дру Баримор. За време на гостувањето таа откри дека веќе знае кој ќе одржи еден од говорите на нејзината свадба со Бени Бланко.

„Марти треба да одржи говор“, рече таа, мислејќи на актерот Мартин Шорт, со кого глуми во хит серијата „Само убиства во зградата“ (Only Murders in the Building). „Му реков дека мора… Мислам дека Марти ќе одржи епски говор“, додаде таа.

Таа спомна и друг колега од серијата, Стив Мартин. Тој е познат по тоа што свири бенџо, поради што Селена се пошегува дека веројатно би сакал да ги покаже своите вештини на свадбата. На прашањето дали Мартин и Шорт ќе ја водат церемонијата, актерката изненадено одговори: „О, Боже! Не ни размислував за тоа“.

Да потсетиме, Бланко и Гомез ја објавија свршувачката во декември, една година откако јавно ја потврдија врската. Бланко е реномиран продуцент кој соработувал со музичари како Ед Ширан, БТС, Еминем, Џастин Бибер, Халси, Кети Пери, Кристина Агилера, Кеша, Бритни Спирс, Ријана, Сиа, Канје Вест, Авичи, Чарли Пут, Виз Калифаријан и други.

Тој претходно соработуваше со Гомез на „Single Soon“ од 2023 година и „I Can’t Get Enough“ од 2019 година. Кога беше прашана за нејзината врска во интервју за насловната страница во ноември 2024 година за „Холивуд Репортер“, Гомез рече: „Никогаш не сум се чувствувала посигурна во врска и гледам иднина со оваа личност“.