Крис Рок би можел да биде домаќин на Оскарите и во 2023 година, откако на церемонијата оваа година доби шлаканица од Вил Смит.

Овогодинешната церемонија на доделување награди беше обележана со инцидентот кога Смит скокна на сцената и му удри шлаканица на комичарот, откако тој се пошегува на сметка на избричената глава на неговата сопруга Џејда Пинкет Смит.

Церемонијата следната година ќе се емитува на „ABC“, а Смит нема да биде присутен, бидејќи поради немилиот настан на актерот му е забрането да присуствува на настаните на Академијата во следните 10 години.

Во интервју за „Deadline“, претседателот на „ABC“, Крег Ервич, изјави дека доделувањето за 2022 година било „навистина успешно“ и покрај шлаканицата.

Ервич, исто така, изјави за медиумите дека е отворен за идејата Рок да биде домаќин на доделувањето на наградите и следната година, бидејќи тоа би можело да ја зголеми гледаноста.