Се укинува вакцинален сертификат за влез во трговските центри, смс за трета доза ќе стигне на телефоните на ризичните групи
Директорот на Институтот за јавно здравје, професор доктор Шабан Мемети, за Утрински брифинг изјави дека епидемиолошката состојба во државата се карактеризира со намален број регистрирани инфекции од 39.5 проценти споредено со минатата недела. Просечниот број на позитивни од направени тестови е 18 проценти што укажува дека се намалува бројот на позитивните, исто како што се намалува и бројот на смртните случаи.
-За разлика од претходната недела смртноста е намалена за 45 проценти. Исто така и факторот на преносливост на вирусот е 0.7 што значи дека преносливоста се намалува. Во болниците се лекуваат 420 пациенти, што е намалување од 30 проценти споредено со претходната недела, рече доктор Мемети.
-Мерките ќе се намалуваат постепено во зависност од епидемиолошката состојба во земјата. Моментално сме во насока на намалување, ама потребна е голема претпазливост, посочи доктор Мемети.
-Мој термин прави концепција на кои лаборатории ќе треба да направат тестови. Во најтешките моменти од кризата правевме 1500 тестови дневно со капацитет да стигнеме до 3000. Мој термин кажува колку тестови треба да се направат. Ние имаме капацитет, но Мој Термин и МЗ не дозволија повеќе тестови во одредени дијагностички центри во ИЈЗ. Моментално лабораториите за микробиологија и вирусологија имаат капацитет да прават 2 до 3 илјади тестови дневно, но кај нас се прават последните две недели околу 450 тестови дневно, рече Мемети.