Селекторот на англиската фудбалска репрезентација Герет Саутгејт го објави списокот од 26 играчи кои ги предводи на Европското првенство кое ќе стартува на 14 јуни.

Како што беше најавено, Саутгејт изостави седум играчи: Хари Мегваер, Џек Грилиш, Кертис Џонс, Џерел Кванса, Џарад Брентвејт, Џејмс Медисон и Џејмс Трафорд.

Англија е една од главните фаворити за титулата на ЕП во Германија, а Саутгејт за медиумите зборуваше околу половина час по објавувањето на списокот.

На прашањето за изоставените играчи тој го даде следниот одговор.

– Секогаш го имате тоа тешко сценарио каде луѓето чекаат лоши вести. Се трудите да го направите тоа со максимална почит. За играчите кои не одат со нас, тоа е тежок удар. Сите беа одлични во тоа како се справија. Сите го прифатија тоа со почит. Сите веруваат дека им беше место во тимот. Факт е дека имаме некои кои играа исклучително добро цела сезона во лигата. Други исто така имаа одлични сезони, особено во последните шест месеци. Во нападот сме среќни бидејќи имаме различни опции – вели Саутгејт.

Хари Мегваер ја повреди потколеницата и тоа е причината поради која не патува. Англискиот селектор исто така додаде дека Лук Шо, кој во последните месеци не играше за Манчестер јунајтед поради повреда, добро напредувал во последните недели.

???????? OFFICIAL: England squad for Euro 2024.

? Jack Grealish
? Harry Maguire
? James Maddison
? Jarrad Branthwaite
? James Trafford
? Curtis Jones
? Jarrell Quansah pic.twitter.com/j1teMHthfj

— Fabrizio Romano (@FabrizioRomano) June 6, 2024

Саутгејт беше прашан и што мисли за најавите дека Англија е фаворит за пехарот на Евро 2024:

– Колку повеќе луѓе го поддржуваат вашиот тим, толку повеќе обложувалниците ја играат статистичката игра. Има многу тимови кои можат да го освојат трофејот. Турнирите се дел од времето и треба да бидете најдобри во дадениот момент – рече Саутгејт.