Де-факто владетелот на Саудиска Арабија, престолонаследникот Мохамед бин Салман не се очекува да присуствува на погребот на кралицата Елизабета, изјави извор од британското Министерство за надворешни работи, спротивно на претходните очекувања на Велика Британија дека Саудиецот ќе присуствува, пренесува Ројтерс.

Наместо тоа, Саудиска Арабија ќе ја претставува принцот Турки бин Мохамед ал Сауд, рече изворот на британската агенција. Принцот Турки е државен министер и е член на кабинетот од 2018 година. Тој е внук на покојниот крал Фахд и дел од новата генерација која на власт го донесе принцот Мохамед.

Велика Британија ги покани шефовите на државите од своите сојузници да присуствуваат, но од тие нации зависи кого ќе испратат.