Фудбалерите на Сампдорија официјално останаа во Серија Б, откако раководството на италијанската лига им додели службена победа од 3:0 против Салернитана, откако реваншот од плејофот беше прекинат поради инциденти на трибините, објавија италијанските медиуми.

Натпреварот во Салерно, кој се играше во недела, беше прекинат во 65 минута при водство на гостите од Џенова од 2:0, кога домашните навивачи го гаѓаа теренот со димни бомби и столчиња. Со оглед на тоа што Сампдорија победи со ист резултат во првиот натпревар од плејофот, Италијанската фудбалска федерација немаше дилема – натпреварот беше регистриран со официјален резултат, а опстанокот на тимот од Џенова беше потврден.

Она што е особено иронично во приказната за опстанокот на Сампдорија е тоа што клубот практично беше отпишан уште во мај – тие беа пред испаѓање во Серија Ц. Сепак, административниот пресврт во Бреша, на која ѝ беа одземени осум бода поради финансиски прекршоци, го турна тимот под линијата и ѝ даде шанса на Сампдорија за бараж. Истата ја искористија – и на теренот и надвор од него.

Салернитана, од друга страна, тоне уште подлабоко. Откако минатата година испаднаа од Серија А, сега се исфрлени и од Серија Б со строга казна – следните два домашни натпревари во третата лига ќе ги игра пред празни трибини.

Сампдорија така останува меѓу тимовите од втората лига, а хаосот во Салерно останува како уште едно предупредување дека борбата за опстанок во Италија честопати ги надминува границите на спортот.

Play-off degradasi Serie B antara Sampdoria dan Salernitana penuh drama.

Leg 1 di Marassi, sekitar 21 anggota tim Salernitana keracunan makanan.

Leg 2 di Salerno, fans tuan rumah rusuh memaksa para pemain kabur ke ruang ganti dan laga dihentikan.pic.twitter.com/rCFxFAV7cq pic.twitter.com/dPUmtDmRZq

— Roman Serie A Podcast (@RomanSerieA) June 23, 2025