Самопрогласената сепаратистичка република Нагорно-Карабах во четвртокот објави самораспуштање и распуштање на сите свои институции,  од 1 јануари 2024 година.

Указот на водачот на таа енклава, Самвел Шахрамањан, објавува распуштање на „сите владини институции и организации… на 1 јануари 2024 година“, и наведува дека  и официјално „Република Нагорно-Карабах (Арцах) престанува да постои“.

За време на СССР, Нагорно-Карабах беше прогласен за автономен регион во рамките на Азербејџан.

По распадот на Советскиот Сојуз, Ерменците по насилен пат ја соборија азербејџанска контрола и ја окупираа соседната територија во Првата таканаречената „Прва Нагорно- Карабашка војна.

Во периодот од 1988 до 1994 година, речиси 30.000 луѓе беа убиени, а повеќе од еден милион,главно Азербејџанци, беа раселени

По воената победа на Азербејџан минатата недела, ерменското население започна егзодус: речиси 65.000 луѓе од речиси 120.000 население избегаа за неколку дена, поради страв дека ќе бидат цел на азербејџанска репресија, и покрај ветувањата на Баку дека ќе ги почитува нивните права.

Ерменскиот премиер Никола Пашинјан денеска изјави дека веќе нема да има Ерменци во Нагорно Карабах.

Во својот указ за распуштање на самопрогласената република, сепаратистичкиот водач Шахрамањан нагласи дека, откако ќе се знаат условите за враќање на регионот под контрола на Азербејџан, жителите и бегалците ќе можат „индивидуално да одлучат дали ќе се вратат во Нагорно-Карабах“, или пак ќе останат во матичнната држава Ерменија.

Азербејџан покрена неколку кривични постапки против Рубен Вардањан, поранешен шеф на владата на отцепениот регион.

Вардањан, кој беше уапсен во средата, е обвинет за илегално преминување на азербејџанската граница и финансирање тероризам, поради што во моментов е ставен во истражен затвор.