Првите три места на листата за најплатени актери за 2024 година, ги зазедоа актери чија заработка се издвојуваше од останатите седум. Она што е интересно е дека меѓу актерите со најголема заработка е само една жена.

Според „Форбс“ ова се десетте актери кои остварија најголем профит во 2024 година:

10. Вил Смит – 26 милиони долари

Пејачот и актер Вил Смит заработи 26 милиони долари, заземајќи го десеттото место. Сумата најмногу може да се припише на филмот „Bad Boys: Ride or Die“, четвртиот дел од франшизата, кој заработи 404,2 милиони долари ширум светот, со продукциски буџет од 100 милиони долари.

9. Адам Сендлер – 26 милиони долари

Хитот на Нетфликс „Spaceman“ го чинеше стриминг гигантот 40 милиони долари, а дел од тие пари отидоа кај Адам Сендлер. „Happy Gilmore 2 “ е исто така во подготовка.

8. Никол Кидман – 31 милион долари

Австралиската оскаровка заработила 31 милион долари и е единствената жена на оваа листа. Нејзиниот успех е резултат на многу успешна година која ги вклучи хит филмовите „Babygirl“ и „A Family Affair“, како и улоги во „Spellbound“ на Нетфликс и три ТВ серии.

7. Џорџ Клуни – 31 милион долари

Џорџ Клуни имаше успешна година, појавувајќи се во „Wolfs“ со Бред Пит и „IF“. Иако Клуни и Пит наводно биле платени 35 милиони долари за „Wolfs“ на Apple+, Клуни изјавил дека неговиот хонорар е „многу помал“.

6. Бред Пит – 32 милиони долари

Бред Пит се појави во филмот „Wolfs“ со Клуни, а исто така има продуцирано осум филмови, меѓу кои и филмот „Wolfs“. Неговата вкупна заработка изнесувала 32 милиони долари.

5. Хју Џекмен – 50 милиони долари

„Deadpool & Wolverine“ беше огромен хит, со заработка од неверојатни 1,34 милијарди долари ширум светот. Џекмен на крајот заработил 50 милиони долари.

4. Џери Сајнфелд – 60 милиони долари

Сајнфелд стана милијардер минатата година, а дополнително ја зголеми својата сметка со режирање и глумење во „Unfrosted“ на Нетфликс.

3. Кевин Харт – 81 милион долари

Харт имаше неверојатна година и заработи вкупно 81 милион долари. Се појави во филмот „Borderland“, хумористичната серија „Die Hart“ и имаше 90 стенд-ап настапи.

2. Рајан Рејнолдс – 85 милиони долари

Рејнолдс беше главната ѕвезда на филмот „Deadpool & Wolverine“, кој заработи над 1,3 милијарди долари. Тој, исто така, продуцираше нови епизоди од серијата „Welcome to Wrexham“ за Хулу и го преработи сценариото за филмот на неговата сопруга Блејк Лајвли „It Ends With Us“.

1. Двејн Џонсон – 88 милиони долари

Двејн Рок Џонсон го зазеде првото место со заработка од 103 милиони долари бруто или 88 милиони долари нето. Неговата голема зделка за филмот „Red One“ на Амазон е вредна 50 милиони долари, а тој заработи и голема сума со „Moanа 2“