Американскиот секретар за одбрана Лојд Остин соопшти дека САД ќе распоредат втор носач на авиони во Медитеранот, со цел да се спречи да ескалира војната меѓу Израел и Хамас во пошироки рамки, објави Гардијан. Ова доаѓа во пресрет на најавената офанзива на израелската војска ИДФ на појасот Газа.

Според Остин, присуството на носачот на авиони „Ајзенхауер“ и неговите воени бродови во источниот дел на Медитеранот е сигнал за жестоката посветеност на Вашингтон за безбедноста на Израел и решеноста на САД да го одврати секој државен или недржавен актер кој сака оваа војна да добие ескалација.

Претходно неделава во источниот Медитеран беше распореден и носачот „Џералд Форд“ во обид на САД да ги обесхрабрат непријателските дејства кон Израел или било какви обиди да се прошири војната меѓу Хамас и Израел.