Белоруската тенисерка Арина Сабаленка се пласираше во осминафиналето на турнирот во Рим, Италија, откако ја совлада Американката Софија Кенин со 3:6, 6:3, 6:2.

Најдобрата тенисерка на светот беше немоќна во првиот сет, Кенин направи три брејка и поведе со 1:0 во сетови.

Сепак, како што одминуваше мечот, Сабаленка го фати својот ритам. Во вториот сет, таа брзо поведе со 4:1 и израмни во сетови.

Во третиот решавачки сет Белорусинката при резултат 2:2, врза четири гема во низа и се пласираше меѓу најдобрите 16 тенисерки во Рим.

Сабаленка ќе игра против Украинката Марта Костјук, 27 рангирана тенисерка во светот, за место во четвртфиналето.