Вежбите на руските стратешки нуклеарни сили се одржуваат под команда на претседателот Владимир Путин. Извештајот го поднесоа министерот за одбрана Сергеј Шојгу и началникот на Генералштабот Валериј Герасимов објавува РИА Новости.

Герасимов рече дека во вежбите на стратешките нуклеарни сили учествуваат мобилниот систем „Јарс“, нуклеарна подморница и два стратешки ракетни носачи.

Како што се наведува во соопштението на Кремљ, за време на вежбите, интерконтиненталната балистичка ракета Јарс била лансирана од космодромот Плесецк на полигонот Кура во Камчатка.

Дополнително, од атомската подморница „Тула“ била испукана и балистичката ракета „Сињева“.

Според министерот за одбрана Сергеј Шојгу, руските стратешки нуклеарни сили вежбале интензивен нуклеарен напад како одговор на нуклеарниот напад на противникот.

Вооружените сили на Русија ја проверија и обуката на воените командни тела, работните вештини на раководниот и оперативниот персонал. Задачите планирани за време на обуката беа целосно реализирани, објави РИА Новости.