Руското Министерство за правда поднесе тужба, барајќи затворање на Московската Хелсиншка група, една од најстарите руски организации за човекови права, беше денеска објавено на веб-страната на московскиот суд.

Групата, која објавува годишен извештај за состојбата со човековите права во Русија, во соопштение за печатот извести и за иницираното барање за распуштање и забрана за активности на територијата на Русија.

Се уште не е познато врз која основа властите сакаат да го затворат, но порталот Новаја Газета објави дека потегот е резултат на ненајавена проверка на активностите на организацијата нарачана од државните правобранители.

Според соопштение, невладината организација била обвинета дека извршувала активности надвор од московскиот регион, со што го нарушува нејзиниот регионален статус, особено испраќање набљудувачи на судења или нејзини членови на настани во други делови на земјата.

Барањето е поднесено денеска и се испитува, потврди портпаролката на градскиот суд во Москва