Русија ja блокираше интернет-страницата на „Хјуман рајтс воч”
Од денеска во интенрет просторот во Русија е недостапна интернет-страницата на невладината организација „Хјуман рајтс воч” (ХРВ). Оваа акција на руските власти доаѓа на барање на Државното обвинителство на Русија и одлуката на Министерството за правда.
Руското Министерство за правда на 8 април го отстрани ХРВ од списокот на претставници на меѓународни невладини организации поради „прекршување на законот”, како и „Амнести интернешенел”, која еден ден подоцна објави дека сепак ќе продолжи да работи во Русија.
ХРВ во соопштението наведе дека во Русија работи 30 години, а одлуката на Министерството за правда ја оцени како „нова железна завеса” и долгорочна намера на руската Влада да ги задуши критичките гласови во Русија.
Руското Министерство за правда отстрани 15 организации од списокот на претставници на меѓународни организации и регистрирани невладини организации, со образложение дека тие „го прекршиле рускиот закон”.