Русија демантира дека Лавров завршил во болница: Ова е врвна лажна вест
Рускиот министер за надворешни работи Сергеј Лавров го демантираше извештајот на американската агенција АП дека бил префрлен во болница поради срцева болест, укорувајќи ги западните новинари за, како што рече, лажно известување, пишува Ројтерс.
АП, повикувајќи се на индонезиски официјални лица, соопшти дека Лавров бил префрлен во болница по пристигнувањето на островот Бали на самитот на Г-20.
„Ова, се разбира, е врв на фалсификат“, рече портпаролката на Министерството за надворешни работи, Марија Захарова.
Захарова објави видео од Лавров, министер за надворешни работи на претседателот Владимир Путин од 2004 година, како седи во двор, облечен во шорцеви и маица и чита документи.
Lavrov at his hotel in Bali. Says reports about his health are a "political game" https://t.co/OddllPDgq7 pic.twitter.com/GKu0Ffo1st
— Pjotr Sauer (@PjotrSauer) November 14, 2022
Запрашан за извештајот, Лавров рече дека западните новинари цела деценија лажно пишувале дека Путин е болен.
„Ова е еден вид игра што не е нова во политиката“, рече со иронична насмевка 72-годишниот Лавров. „Западните новинари треба да бидат повистинити – треба да ја напишат вистината.
Гувернерот на Бали изјави дека Лавров е во добра здравствена состојба и дека бил во болница на редовен преглед.