Рита Ора го откажала концертот во Унгарија само неколку часа пред почетокот на настапот, пишува „Дејли Мејл“. Пејачката претходната ноќ ја помина во болница во Будимпешта, а сето тоа го објави на социјалните мрежи.

„Ве молам, простете го овој неочекуван пресврт на настаните, но за жал нема да можам да настапам на фестивалот ‘Кампус’ вечерва.Откако ја поминав ноќта во болница во Будимпешта, морам темелно да се одморам и да ги следам лекарските наредби. Многу ми е жал за моите фанови кои ќе бидат таму денес и навистина сум благодарна за разбирањето“, напиша таа.

Фановите ѝ посакаа брзо закрепнување.

Во четвртокот пејачката имаше концерт пред 50.000 луѓе во Литванија, а врнеше цела вечер.

Таа неодамна го привлече вниманието на јавноста кога на концертот на Girls Aloud се појави во светкав проѕирен фустан без градник под него. На концертот ја придружуваше нејзиниот сопруг, новозеландскиот режисер Таика Вејтити.

Следниот настап на Рита треба да биде на 16 август, за време на фестивалот „Lovestream“ во Словачка.