Денеска во својот петти натпревар од новата сезона во женската ракометна Лига на шампионите ЦСКА Москва славеше со 28:30 против Брест Бретањ.

Ова е четврти триумф по ред за руската екипа во чии редови македонското десно крило Сара Ристовска запиша вкупно четири голови, колку што имаа уште Ведехина и Хејндал.

Кај нејзините тимски колешки поефикасни беа Михајличенко со седум голови, а пет реализираше Горшкова.

Манасков, Костески и Димитриевски први стрелци во Унгарија, Австрија и Шпанија

На првото место во групата „Б“ води ЦСКА Москва со девет бодови, пред данскиот Одензе и унгарскиот Ѓер кои имаат по осум.

Во наредното коло рускиот претставник дома ќе се соочи против хрватскиот состав на Подравка Вегета на 24 октомври.