Иако се најде меѓу 12 екипи учесници за новата сезона 2022/23 во Првата македонска лига, Ренова нема да се натпреварува во елитата.

Нема никаква официјална информација од Фудбалската федерација на Македонија (ФФМ) дали ќе се продолжи со 11 екипи.

Според телевизија „Клан“ Ренова по 17 сезони нема да биде дел од шампионатот следната сезона.

Деновиве се очекува сопствениците на клубот да излезат со официјално соопштение, а изворот дознава дека 99,9% ова е завршена работа.

ФК Ренова од Џепчиште 17 години беше еден од најстабилните тимови во Првата фудбалска лига. Го освои првенството во сезоната 2009/2010, а две години подоцна беше победник и во Купот. Шестпати ја претставуваше Македонија во европските клупски натпреварувања.