Детоксикацијата на организмот стана императив во времето во кое живееме. Стресот, загадувањето, храната полна со адитиви, лековите кои ги консумираме, алкохолот и никотинот во нашиот организам создаваат вистинска депонија на штетни супстанции, кои трајно го трујат нашиот организам.

Сите овие штетни отрови ги ослободуваат своите дејства во нашиот крвоток и на тој начин допираат до секој поединечен орган. Од приложеното е јасно зошто е толку важно својот организам во одредени временски интервали да го чистите од наталожените штетни материи.

Но, подеднакво е важно да го изберете соодветниот и делотворен метод, кој во исто време е и безбеден. Овој рецепт е токму за еден таков детокс третман, кој поефикасно од што било ќе го исчисти вашето тело од отровите.

Еликсирот од лук и црвено вино го чисти организмот од вишокот сол и маснотии, го решава проблемот со надуеноста и вишокот килограми. Се користи традиционално веќе долга низа години и се покажал како многу делотворен.

На нашиот организам понекогаш му е потребно да се прочисти, а овој природен лек помага да ги исфрлиме токсините и да ја подобриме циркулацијата.

Оние што го пробале тврдат и дека ќе ве ослободи од стрес и од хроничен замор!

Состојки:

– 12 чешниња лук
– половина литар црвено вино (може и од капина)

Подготовка:

Исчистете го лукот и исечкајте го, па ставете го во стаклено шише. Додадете вино и добро затворете. Чувајте го на светлина две недели и секој ден протресувајте го по неколкупати.

По две недели, процедете ја напивката и сипете ја во друго стаклено шише. Земајте по една лажица три пати на ден во текот на еден месец.

Напомена: Ова е силен природен лек и затоа применувајте го со пауза од шест месеци помеѓу два третмани, значи, само два пати годишно.