Експертите предупредија дека треба да се биде внимателен бидејќи новиот бран на болеста потенцијално може да биде разорен!

Она што ги загрижи експертите во Британија е фактот дека за само една недела има зголемување на бројот на заболени и тоа за 14 отсто, а се чини дека сите го игнорираат фактот дека новиот есенски бран на вирусот е на прагот.

Само пред две недели, околу 1,1 милион луѓе во Британија биле позитивни на вирусот, а минатата недела околу 927.000 луѓе. Што го предизвикало овој бран не е познато, но стручњаците сметаат дека проблемот е и во следењето на упатствата кога се во прашање симптомите, а во моментот тие се погрешни. Ова значи дека едно лице може да го рашири вирусот бидејќи мисли дека во прашање е само настинка.

Кој симптом ја открива болеста?

„Насоките за симптомите се погрешни, а многу луѓе сè уште слепо ги следат“, вели проф. Тим Спектор и додава дека во моментов првиот симптом на ковид е ист симптом кај третина од луѓето, а тоа е болка во грлото. Температурата и губењето на вкусот во моментов се многу ретки, па многу луѓе мислат дека не се болни, туку дека се настинати и нема да се тестираат.

Спектор додава дека треба да бидеме свесни дека новиот бран е веќе тука, а варијантите на омикрон стануваат многу инвазивни на имунитетот и може да предизвикаат големи проблеми оваа зима.

Вирологот, професор Лоренс Јанг се согласува: „Откриваме како вирусот еволуира и „игра“ околу имунитетот кој е стекнат со вакцинацијата и со сите инфекции коишто лицето можеби ги имало. Голема е загриженоста што гледаме дека овие нови варијанти предизвикуваат малку поголем број инфекции. Иако можеби тоа и го очекувавме, тоа само покажува дека сè уште не сме се „извлекле“ и дека треба да бидеме „внимателни“.

Експертот тврди дека заради брзите тестови, сите заборавивме дека варијантите на вирусот може да се откријат само со ПЦР тестови, а сега тие се спроведуваат мошне помалку од минатата година.

„Луѓето ќе имаат разни инфекции во текот на зимата, но нема да знаат што е тоа бидејќи бесплатните тестови не се можни, па ќе дојде до проблеми. Друг агол е економскиот притисок, па ако човек се чувствува лошо, нема да земе слободни денови. Станува збор за можноста за создавање на совршена бура“, додава експертот.