Дваесет и осумгодишен жител на Скопје заработи обвинителен акт од Основното јавно обвинителствоза кривично дело разбојништво.

Според обвинителниот кат, тој на 20 септември минатата година влегол во обложувалница на булеварот „Митрополит Теодосиј Гологанов“ во Скопје, носејќи кујнски нож со сечиво од 15 сантиметри во десната рака.

Ножот го вперил кон вработен во обложувалницата и му се заканил дека ќе го повреди ако не му ги даде парите од дневниот промет. Вработениот се исплашил и ги отворил фиоките, ги извадил парите и му ги ставил во ќесата што ја носел обвинетиот. По ова, разбојникот со 15.000 денари во рака избегал од обложувалницата, а два месеца по грабежот бил откриен од полицијата.

Заменик на републичкиот Јавен обвинител од судија на претходна постапка достави посебен предлог со кој побара на разбојникот да му биде продолжена претходно определената мерка притвор.