Претседателот на Реал Мадрид, Флорентино Перез, ги стопира преговорите со Серхио Рамос за продолжување на договорот и се чини дека е подготвен да се раздели со капитенот.

Според актуелниот договор, платата на Рамос изнесува 12 милиони евра годишно и тој бара со новиот двегодишен договор да ја добива истата плата, што не му се допаѓа на Перез и лесно може да се случи наредната сезона да биде последна за капитенот во „кралскиот“ дрес.

„Марка“ пишува дека Перез е подготвен да му понуди двегодишен договор но максималната плата да изнесува 10 милиони евра, а доколку Рамос не се согласи на тие услови, на Европското првенство кое е презакажано за 2021 година ќе настапува како слободен играч.

Перез за оваа намера го известил тренерот Зинедин Зидан и му предложил да бара евентуална замена доколку пропаднат преговорите.

Како наследник на Рамос се споменува, најбараниот дефанзивец во моментов, членот на Лајпциг,Дајот Упамекано. Но Реал го очекува тешка борба за потписот со Упамекано бидејќи сериозен интерес за него има и од Барселона, сите големи англиски екипи, ПСЖ, Јувентус и Баерн Минхен.
Лајпиг уште сега ги извести екипите дека нема намера да го продава младиот дефанзивец за помалку од 60 милиони евра.

На списокот на Зидан се ноѓаат уште три имиња како потенцијални наследници на Рамос, Дијаз од Бенфика за кого Португалците бараат 100 милиони евра, Калиду Кулибали од Наполи за кого се шпекулира дека има преддоговор со ПСЖ и како трета опција е капитенот на Милан, Алесио Ромањоли кој би чинел околу 50 милиони евра.