Премиерот Еди Рама ја опиша летната сезона како фантастична за пристаништето Драч во Албанија. Преку објава на социјалните мрежи, Рама сподели фотографии од две луксузни суперјахти, Lürssen и Koru, кои го избрале Драч да застанат во првите денови од септември, пренесува АБЦ Њуз.

„Lürssen и Koru не се имиња на ниту еден цртан лик, туку луксузни суперјахти кои го избраа Драч во овие први денови од септември. Сезоната беше фантастична за пристаништето Драч, со 257 големи туристички јахти и 21 крстарење кои беа домаќини од албанските власти, што е само мал пример за зголемените туристички текови, кои уште повеќе ќе се зголемат благодарение на инвестициите и трансформациите на големите проекти во пристанишната инфраструктура која чекор по чекор ќе заживее“, пишува Рама на Фејсбук.