Денеска во просториите на седиштето на Европската ракометна федерација во Виена, се одржа извлекување на групите за Европското првенство за ракометари до 18 години што ќе се одржи од 7 до 18 август 2024 година во Подгорица, Црна Гора.

Македонската машка кадетска селекција ќе игра во групата „Б“ со репрезентациите на Германија, Франција и Полска.

Годинава Европското младинско првенство во машка конкуренција за ракометари до 20 години ќе се организира во Целје.

Нашите ракометни надежи ќе играат во групата „А“ заедно со Хрватска, Црна Гора и Австрија.

Континенталниот шампионат во словенечкиот град ќе се одржи во периодот од 10 до 21 јули.