Со жрепка во седиштето на Европската ракометна федерација во Виена, Австрија, екипата на Алкалоид го дозна ривалот во второто коло од Европскиот куп.

Противник на играчите предводени од тренерот Кирил Лазаров ќе биде Драгунас Клаипеда од Литванија.

Македонскиот претставник ќе биде домаќин на првиот натпревар кој ќе се игра на 19/20 октомври, а реваншот е во Литванија на 26/27 октомври 2024 година.

Во ова натпреварување следната сезона ќе играат уште две македонски екипи.

Охрид за противник го доби Потауса Турда од Романија, додека Тиквеш ќе се соочи против Драма од Грција.

Во Европскиот куп, но во женска конкуренција Чаир во втората рунда ќе игра против Керженг од Луксембург, додека Металург за ривал го доби Гореле од Турција. Првите мечеви ќе се играат на 5/6 октомври, а возвратните дуели на 12/23 октомври 2024 година.

ЖРК Ѓорче Петров исто така ќе игра на меѓународната сцена, во квалификациите за Европската лига ќе игра против Х65 Хурс од Шведска. Доколку ја помине оваа пречка, ракометарките на Ѓорче Петров за пласман во групната фаза ќе мора да ја елиминираат и екипата на Париз 92. Првиот меч е на 5/6 октомври во Франција, а реваншот е една недела подоцна во Скопје.