Русија синоќа ја одбележа првата годишнина од илегалната анексија на четирите јужни украински региони, при што претседателот Владимир Путин им оддаде почит на руските осуденици убиени во битката и го прогласи 30 септември, Денот на обединувањето со Русија за официјален празник.

Руските сили не контролираат целосно ниту еден од четирите окупирани региони: Херсон, Запорожје, Доњецк и Луганск и изгубија одредена територија во украинската контраофанзива, а Москва се уште се обидува целосно да ги преземе. Путин ги прогласи за нови руска територии пред една година по референдумот кој не е признат според меѓународното право, а потоа таа одлука ја вгради во рускиот устав, со што дополнително го зајакна неговиот став.

Во петокот, Путин и неговите војници одржаа едноминутно молчење за поранешните затвореници кои беа ослободени од затвор за да се борат против Украина и загинаа во тој процес. Руските државни медиуми објавија и видео од средбата меѓу Путин и војниците кои учествувале во инвазијата на Украина.

Со одење во војна, затворениците го вратија долгот кон општеството, рече Путин во кратко видео. „Сите ние сме луѓе и секој може да направи грешки. Тие ги направија, но ги дадоа своите животи за своите татковци и целосно ја откупија нивната вина“, рече тој.

🇷🇺 Vladimir Putin congratulated the citizens on the Day of Unification of New Regions with Russia. pic.twitter.com/6XWlsORiMl

— Sprinter (@Sprinter99800) September 29, 2023

Русија често регрутира затвореници да се борат откако ја нападнa Украина пред 19 месеци. Многумина од нив загинаа во брутални битки околу источниот украински град Бахмут пред неколку месеци. Но, на Црвениот плоштад во Москва во петокот атмосферата беше славеничка и беше организиран концерт во чест на годишнината од анексијата. Меѓу ѕвездите кои настапија беше и ултранационалистичкиот пејач Шаман.

Со декрет, Путин ја прогласи сабота, 30 септември за официјален празник и го нарече Ден на обединување со Русија, точно една година откако го потпиша указот за анексија. Намерата на концертот е да и се претстави на јавноста нов празник.

Според извештаите, јавните службеници, студентите и другите често се под притисок да учествуваат на овие настани.