Арина Сабаленка се пласираше во финалето на „Австралија опен“ откако славеше против Магда Линет од Полска.

Белоруската тенисерка на теренот во Мелбурн за еден час и 35 минута со резултат 2:0 (7:6, 6:2) во сетови ја совлада Линет.

Првиот сет беше најнеизвесен кој беше решен во тај-брејк кој Сабаленка го освои со 7:2, а на стартот од вториот направи два брејка по што истиот го доби рутински. Линет имаше три брејк топки, но не искористи ниту една, па нејзината противничка стигна до 5:1.

За Сабаленка ова ќе биде прво финале во кариерата на грен слем турнирите каде до сега нејзин најдобар пласман беше полуфиналето на „Вимблдон“ и „УС Опен“ во 2021 и 2022 година.

За нејзината прва грен слем титула ќе игра против Елена Рибакина која претходно ја елиминираше Викторија Азаренка.