Според доверливите документи цитирани од „The Washington Post“, беспилотното летало „WZ-8“, способно да лета со брзина три пати поголема од брзината на звукот и на висина од 30 километри недостапна за системите за противвоздушна одбрана, може значително да ги подобри кинеските способности за собирање разузнавачки информации, пишува „defence-blog“

Сателитските снимки добиени од Националната агенција за геопросторно разузнавање, наводно, покажуваат две напредни извидувачки беспилотни летала на млазен погон „WZ-8“ стационирани во воздушна база во источна Кина, на приближно 560 километри од Шангај.

Овие беспилотни летала, како што пишува „The Washington Post“, имаат способност да собираат картографски податоци и може да се користат за ракетни напади.

Документите сугерираат дека Народноослободителната армија најверојатно ја распоредила својата прва ескадрила беспилотни летала во база под команда на Источното крило, одговорно за спроведување на суверенитетот на Пекинг над Тајван.

Според обелоденетите досиеја, дронот „WZ-8“ е предвиден за извидувачки летови над Тајван и Јужна Кореја, што предизвикува загриженост кај регионалните засегнати страни за потенцијални активности за надзор и воени провокации.

„Вашингтон пост“ објави дека американското Министерство за одбрана одбило да коментира за ова прашање, додека Министерството за национална одбрана на Народна Република Кина не одговорило на барањата за коментар.

Како што опстојуваат геополитичките тензии во индо-пацифичкиот регион, распоредувањето на напредни дронови за набљудување како што е „WZ-8“ покренува прашања за регионалната безбедност и стабилност.