Пронајдена марихуана во Кавадарци, приведени три лица
Полициски службеници од Одделението за недозволена трговија со дрога при полициската станица Кавадарци вчера го лишиле од слобода П. М. (40) од Кавадарци.
Како што соопшти МВР, П.М. бил лишен од слобода на улица „Благој Крстиќ” во Кавадарци. При претрес во неговиот дом, извршен со судска наредба, биле пронајдени и одземени неколку пакувања бела прашкаста материја, неколку пакувања кафеава прашкаста материја, две дигитални ваги, пари во различни валути и апоени и други предмети со остатоци од кафеава прашкаста материја.
Претходно, во 13:30 часот на улица „Киро Спанџов” во неговото паркирано возило бил затекнат И. П. (40) од Кавадарци, а во возилото бил и А. М. (36) од Кавадарци. При преглед кај нив и во возилото, кај И.П. била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.