Во дворот на основното училиште „Живко Брајковски” во населбата Бутел 1, на местото на разрушениот и пропаднат објект, во завршна фаза со изградба е новиот рекреативен центар со нов плоштад, нов парк и детски содржини, а при крај е и холтикултурното уредување со кое ќе се разубави овој простор.

На 2000 м2 се протега новиот парк, а новиот плоштад кој воедно е и прв во општина Бутел на 500 м2. Покрај тоа новиот рекреативен комплекс содржи и ново детско катче за најмладите, нова пешачка патека која го поврзува плоштадот со училиштето и ново осветлување. За прв пат се изгради и амфитеатар кој ќе можат граѓаните да го користат, но и сите ученици за разни манифестации – вели градоначалникот Дарко Костовски.

Според градоначалникот, реализацијата на проектот е на барање на жителите на населбата Бутел 1.