Присила Присли воодушевена од новиот филм за кралот на рокенролот: Мислам дека сега малку подобро ќе го сфатите патувањето на Елвис
Како што знаете, оваа приказна нема среќен крај, изјави Присила…
Препорачано
На филмскиот фестивал во Кан премиерно ќе биде прикажан филмот „Елвис“, биографска приказна за славниот пејач Елвис Присли и неговиот однос со менаџерот, Том Паркер. Една од првите луѓе кои го прегледаа филмот беше поранешната сопруга на Присли, 76-годишната Присила Присли. Таа минатиот викенд објави на Фејсбук дека е воодушевена од филмот во режија на Баз Лурман.
Присила напишала дека филмот го гледала заедно со Џери Шилинг, стар пријател на Елвис.
„Ова е приказна за врската помеѓу Елвис и Паркер. Тоа е брилијантно и креативно раскажана вистинита приказна која само Баз, на неговиот уникатен уметнички начин, можеше да ја сними. Остин Батлер, кој го игра Елвис, е неверојатен. Браво за него… тој знаеше колку овој проект ќе биде тежок. Тој беше многу нервозен поради оваа улога. Можам само да замислам.“, напишала Присила.
Осврнувајќи се на менаџерот на Елвис, полковникот Том Паркер, кој го игра Том Хенкс, таа напиша:
„Каков лик беше тоа! Постоеа две страни на Паркер, јас и Џери се запознавме со двете. Како што знаете, оваа приказна нема среќен крај. Мислам дека сега малку подобро ќе го разберете патувањето на Елвис, опишано од режисерот кој го вложи своето срце и душа во овој филм“, заклучила Присила Присли.
