Принцот Хари и Меган Маркл повторно се во центарот на вниманието поради намалување на трошоците и намалување на бројот на вработени, откриваат блиски извори до парот.

По отпуштањето на уште шест вработени минатиот месец, вклучувајќи двајца специјалисти за односи со јавноста, вкупниот број на луѓе кои го напуштиле или биле отпуштени од тимот на Меган Маркл и принцот Хари од 2020 година се искачи на 25.

По повлекувањето од кралските должности и преселувањето во САД, Хари и Меган се соочуваат со предизвици во одржувањето на нивниот јавен имиџ и деловната империја. Нивниот профитабилен договор со Нетфликс, за кој првично се вели дека вреди 100 милиони долари, наводно вреди околу 20 милиони долари и истекува оваа година. Извори тврдат дека поради промената во стратегијата на Нетфликс, новиот договор би можел да биде значително помал.

„Секогаш е истата приказна – тие го менуваат персоналот побрзо отколку другите луѓе што ја менуваат тоалетната хартија. Млекото трае подолго од нивниот персонал“, рекол еден кралски извор.

Парот се соочува со високи трошоци за живот, вклучувајќи годишна сметка за осигурување од 2 милиони долари, даноци за луксузна вила во Монтесито од 288.000 долари и рата за хипотека од 9,5 милиони долари. Покрај тоа, тие сами ги финансираат персоналот за комуникации, продукцијата, фондацијата „Арчевел“ и одржување на имотот.

Меѓу неодамна отпуштените вработени се Кајл Булија, заменик-секретар за печат во Лос Анџелес, Чарли Гипсон, европски директор за комуникации и неколку други клучни членови на тимот. Главниот директор за комуникации, Мередит Мејнс, го објави преминот кон агенциски модел, ангажирајќи специјализирана ПР агенција.

„Транзицијата кон агенциски модел ќе ни овозможи подобар пристап до меѓународните медиуми и побрзи одговори на барањата“, рекол Мејнс.

И покрај нивните деловни успеси, двојката се соочува и со негативни извештаи за атмосферата во тимот. Во медиумите имаше обвинувања за студенилото и суровоста на Меган кон вработените, а поранешниот секретар за комуникации Џејсон Кнауф поднесе официјална жалба за наводна злоупотреба на персоналот во Бакингемската палата во 2018 година. Меган и Хари категорично ги негираат сите обвинувања, тврдејќи дека се жртви на кампања за клевета.

Меган неодамна го лансираше својот бренд „розе“ вино на денот кога принцезата Дијана ќе го прославеше својот 64-ти роденден, што многумина го протолкуваа како провокација. Хари, од друга страна, продолжува со својата филантропска работа и се обидува да ги поправи односите со своето семејство, особено со својот татко, кралот Чарлс, кој се бори со сериозна болест.

Кралот Чарлс детално го испланирал својот погреб – Ги вклучил и Хари и Меган во поворката