Мемоарите на принцот Хари „Резерва“ („Spare“) кренаa голема прашина во медиумите и во јавноста, а веќе првиот ден го соборија рекордот на продажба. Во книгата се откриени многу приватни детали, а меѓу другото, војводата од Сасекс раскажа на кое место имал интимни односи со Меган Маркл.

Меган и Хари во 2016 година биле разделени неколку недели, а средбата токму поради таа раздебла била дополнително набиена со сексуална тензија, која кулминирала во еден од лондонските хотели. Сохо хаус било местото каде повторно се разгореле страстите.

Принцот Хари во своите мемоари сподели сочни детали од раните денови на врската со Меган Маркл, пишува „Дејли мејл“.

Војводата од Сасекс, кој исто така зборува за губењето на невиноста во своите нови мемоари, на многу страствен начин раскажува како тој и Меган повторно се сретнале во Лондон откако биле разделени со недели во летото 2016 година.

Принцот открива дека тој и Меган ја поминале ноќта на годишнината од смртта на принцезата Дијана и се сеќава како чекал пред нејзината соба додека таа не ја отворила вратата и го „вовлекла внатре“. Хари раскажува како Меган го упатила токму во нејзината соба, односно како се сретнале во Сохо хаус, каде што таа престојувала.

Тој открива во книгата дека му испратила порака дека пристигнала во Велика Британија додека тој и принцот од Велс, Вилијам, полагале цвеќе на гробот на неговата мајка во Алторп. Хари се вратил во Лондон со Вилијам и отишол да ја види Меган. Во книгата, тој вели дека таа му рекла да тргне по таен пат до хотелот и до товарниот лифт, каде што се сретнал со нејзината пријателка по име Ванеса, која го одвела до вратата од нејзината хотелска соба. Меган набрзо ја отворила вратата и веднаш ги обвиткала рацете околу него, се присетил принцот Хари.

„Меган долета за Лондон ден пред годишнината од смртта на мајка ми, принцезата Дијана. Се видовме истото попладне. По нејзината пријателка ми порача во кој хотел престојува. Додека стоев пред вратата од нејзината соба, буквално останав без здив поради огромната желба да ја видам. Таа само ѕирна и ме вовлече внатре. Со еден гест ѝ се заблагодари на својата пријателка, а потоа брзо ја тресна вратата пред некој да нѐ види“, опишал војводата од Сасекс во својата книга, а пренесува „Дејли мејл“.

Имено, тогаш тие биле во врска само два месеца, а откако биле на романтично патување во Боцвана, поминале неколку недели разделени бидејќи Хари бил на долг одмор со пријателите.

„Сакавме да ставиме знак ‘не вознемирувај’ на вратата, но мислам дека ни тоа не успеавме да го направиме. Бевме премногу зафатени“, напишал Хари.

Не е познато на која локација во Сохо хаус мислел војводата, но можно е тоа да е истата локација каде што го имале и првиот состанок. На адресата Дин стрит 76 во Вестминстер, Лондон, има градска куќа која вклучува мурал со морски пејзаж. За жал, во 2009 година, зградата беше опустошена од пожар, а во 2015 година беше вратен нејзиниот поранешен сјај.

Утре излегува „Резерва“: Сите скандали кои принцот Хари ги откри досега

Книгата на принцот Хари продадена во над 1,4 милиони примероци за еден ден

Со голи раце ископал гроб: Принцот Хари во мемоарите напиша за спонтаниот абортус на Меган