Принцот Хари (38) откри голем број досега непознати детали за неговиот живот во контроверзната книга „Резерва“ (Spare), која вчера беше пуштена во продажба. Меѓу тие детали е и изјавата дека пушел џоинт додека неговото семејство спиело во изнајмена куќа во Лос Анџелес.

Кога се преселиле во Америка, принцот Хари и Меган Маркл престојувале во куќа што му припаѓала на филмскиот режисер и актер Тајлер Пери, пишува британски „Метро“.

Во книгата, Хари се сеќава како тој и Меган ја сакале куќата на Тајлер, опишувајќи ја како „Ксанаду“.

Војводата од Сасекс напишал дека пушел марихуана додека престојувал со семејството во куќата на Пери во Лос Анџелес во 2020 година, откако тој и Меган ја напуштиле Канада, пишува „Дејли мејл“.

„Доцна навечер, додека сите спиеја, шетав низ куќата, ги проверував вратите и прозорците. Потоа седев на балконот или во градината и виткав џоинт.“

„Куќата гледаше на долината, преку ридот полн со жаби. Ја слушав нивната песна доцна навечер, го чувствував мирисот во воздухот од цвеќињата. Жабите, мирисите, дрвјата, големото ѕвездено небо, сето тоа ме врати во Боцвана“, напишал Хари, кој во тој момент имал 36 години, што значи дека следната година тој и Меган ја добиле ќерката Лилибет Дијана, односно дека „семејство“ во неговата изјава се однесувало на неговата сопруга и синот Арчи.

Канабисот е легален за рекреативна употреба во Калифорнија за оние на возраст над 21 година.

Инаку, Тајлер Пери им помогна на Хари и Меган да се преселат во САД, нудејќи им да го користат неговиот дом во Беверли Хилс вреден 18 милиони долари како нивна резиденција.

„Тие само сакаа да бидат слободни. Сакаа да бидат слободни да сакаат и да бидат среќни. Немаа… Немаа план. Сите велат: ‘Ооо, имаa план’. Но, немаше никаков план“, рекол Тејлор Пери во серијата на Netflix „Хари и Меган“ што се емитуваше минатиот месец, во која принцот исто така упати низа обвинувања за семејството исто како и во книгата.

Хари во „Резерва“ откри дека користел неколку видови наркотици, барајќи бегство од реалноста и борејќи се со загубата на мајка си, односно со идејата дека мора да биде тажен за да им докаже на другите дека принцезата Дијана му недостасува.

ВИДЕО | Принцот Хари: Си ги сакам брат ми и татко ми назад

Меган Маркл искрено проговори за шокантната ситуација од кралската турнеја: Изби пожар во собата на Арчи

Меган и Хари покажаа колку се променил Арчи: Тој е весело бебе, а оваа физичка карактеристика ја наследил од Хари (ФОТО)

ФОТO | Хари и Меган го запишаа синчето Арчи во градинка: Детето учи шпански јазик, танц и емоционална писменост