Нов случај на безобѕирно возење и нечовечност е забележан вчера во скопската населба Пинтија, кога возач прегазил 28-годишно момче, по што избегал од местото на несреќата, соопшти МВР.

„На 03.04.2025 во 22 часот во СВР Скопје било пријавено дека околу 18:15 часот на булеварот „Борис Трајковски“, во близина на крстосницата со улицата „Саса“, патничко возило удрило во пешакот С.М.(28) од с.Страхојадица,скопско, по што возачот со возилото го напуштил местото на настанот. Во несреќата со тешки телесни повреди се здобил пешакот, констатирани во Градската општа болница „Св.Наум Охридски“, пишува во полициското соопштение.

Увид на местото на несреќата извршила екипа од СВР Скопје, а полицијата презема мерки за расчистување на случајот.