Маркет /Фото: ,,Слободен печат'' - Драган Митрески

Повеќето компании за храна кои цела зима плаќаа поевтина струја, воопшто не ги намалиле цените

Министерот за економија Крешник Бектеши во вечерашното гостување на „Алсат“ открива дека дури 70 отсто од компаниите кои користеа субвенционирана струја од државата, како мерка за намалување на цените и запирање на инфлацијата, не ги поевтиниле цените на своите прехранбени производи.

Бектеши во гостувањето во емисијата „Економски магазин“, која ќе се емитува вечерва, вели дека во најава се парични казни, но и затворање на некои од овие фирми.

Преку 250 компании користеа поевтина струја која ја субвенционираше државата, како мерка со која требаше да престане растот на цените на храната.

Бектеши сега вели дека значителен дел од овие компании над 60 или 70 отсто, не ја почитувале одлуката и ги држат истите цени од ноември, пред да почне субвенционирањето на струјата. Затоа, Бектеши најавува дека на крајот на месецов ќе предложи до Владата да донесе одлука за укинување на оваа мерка.

„Поради несовесните газди, сега и оние кои ги почитувале правилата ќе плаќаат поскапа струја затоа што Владата им ја укинува помошта“, вели Бектеши.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот