Светскиот шампион во тешка категорија, Тајсон Фјури ќе се врати во рингот на 3. декември.

Иако Фјури најавуваше дека во рингот ќе се врати само за борба против неговиот сонародник Ентони Џошуа, сепак сега ќе има друг противник. Фјури ќе ги вкрсти ракавиците со Дерек Чисора.

Борбата веќе е закажана и ја потврди самиот Фјури. Во кариерата Фјури двапати го совлада Чисора кој има 33 победи и 12 порази. Првата борба ја имаа во мај 2011 година, тогаш Фјури победи со едногласна одлука на судиите, три години подоцна Чисора ја предаде борбата. Двете борби се одржуваа во Лондон.

Лондон ќе биде местото и на оваа трета пресметка помеѓу двајцата боксери. Борбата ќе се одржи на стадионот на Тотенхем. Фјури во борбата можеби влегува како фаворит, но Чисора сигурно дека нема предвреме да се предаде.

LET’S HAVE IT THEN DEL BOY!!!! SEE YOU DECEMBER 3RD LONDON! @SpursOfficial @DerekWarChisora pic.twitter.com/3cKofPXNtI

— TYSON FURY (@Tyson_Fury) October 20, 2022