Премиерот на Португалија Антонио Коста, кој во неделата беше реизбран за втор мандат, е позитивен на ковид-19 и ќе остане во изолација во период од седум дена, соопштија од неговиот кабинет во вторникот, јави Ројтерс.

„Премиерот денеска изврши рутинско само-тестирање за ковид-19 и имаше позитивен резултат“, се вели во соопштението на канцеларијата, додавајќи дека Коста немал никакви симптоми. „Овој (позитивен) резултат веќе е потврден со антигенски тест“.

Коста ги помина последните две недели одржувајќи предизборни собири и настани низ целата земја, често привлекувајќи голема толпа. Тој го освои својот трет мандат со 117 пратенички места – единственото второ целосно мнозинство на Социјалистичката партија во демократската историја на Португалија.

Владејачките социјалисти во Португалија со предност во анкетите, но ќе можат ли да формираат мнозинство?